05.10.2016

Ja til ny fosterdiagnostikk-test

 

Kristin Halvorsen_bredde_web

NIPT-testen for å oppdage kromosomfeil hos foster bør tilbydast til kvinner som i dag får tilbod om fosterdiagnostikk, tilrår eit fleirtal i Bioteknologirådet. Mindretalet meiner testen gir så banebrytande nye moglegheiter at vi må stoppe og spørje kva vi vil med fosterdiagnostikken.

Eit fleirtal på tolv medlemmer i Bioteknologirådet tilrår at NIPT-testen bør erstatte dagens fosterdiagnostiske undersøking for trisomiane 13, 18 og 21 (Downs syndrom). Ved NIPT-testing undersøker ein DNA frå fosteret, henta ut frå blodet til den gravide. To medlemmer i rådet tilrår at NIPT ikkje bør takast i bruk for dette formålet før ein eventuelt reviderer heile bioteknologiloven, inkludert regelverket for fosterdiagnostikk.

Helsedirektoratet skal avgjere om NIPT-testing for å undersøke om eit foster har trisomiar (tre kopiar av eit kromosom i staden for to) skal godkjennast som ny metode i fosterdiagnostikk. I dag blir kombinert ultralyd og blodprøve (KUB-test) i svangerskapsveke 11–13 brukt til å undersøke dette. Med NIPT-testen kan ein få omfattande kunnskap om arveanlegga til fosteret og sjukdomsrisikoar, men Bioteknologirådet uttaler seg i denne omgang berre om bruk av NIPT for trisomiar. Fråsegna gjeld berre dei som i dag får tilbod om fosterdiagnostikk fordi dei har auka risiko for å få eit barn med trisomi. Trisomiane det er aktuelt å undersøke for, er trisomi 21 (Downs syndrom), og trisomi 13 og 18, som gir meir alvorlege funksjonsnedsettingar.

– Når vi først tillèt fosterdiagnostikk for å avdekke trisomiar, må dei gravide kvinnene få tilgang til den mest presise og formålstenlege metoden. Det er her berre snakk om å endre metoden, ikkje kor mange som får tilbod om testing eller kva det blir testa for. For dei aktuelle kvinnene vil NIPT gi sikrare prøvesvar og redusere bruken av fostervass- og morkakeprøver, og dermed også risikoen for spontanabort, seier leiar i Bioteknologirådet Kristin Halvorsen, som stemte med fleirtalet.

Dei to medlemmene som tilrår å ikkje ta i bruk NIPT no, grunngir det mellom anna med at NIPT gir så banebrytande nye moglegheiter innan fosterdiagnostikk at vi må gjere ei samla vurdering av korfor og korleis vi som samfunn og helsetenesta ønskjer å organisere det fosterdiagnostiske tilbodet i Noreg.

Klikk her for å lese heile fråsegna frå Bioteknologirådet.

Siden ble opprettet: 05.10.2016. Siden ble oppdatert: 05.10.2016

Relevante temasider

Flere nyheter

– Norge har fått en ny, modernisert bioteknologilov

26.05.2020

– Bioteknologirådet har evaluert bioteknologiloven og har sett.. Les mer »

I GENialt: Ønskjer du deg eit sjølvlysande juletre?

19.05.2020

Då må du nok smøre deg med tolmod… Les mer »

I GENialt: Cellefabrikker som lager rullebaner, medisiner og mat

19.05.2020

Bakterier og sopp er arbeidere som jobber døgnet.. Les mer »

I GENialt: Hva vet vi om helserisiko for barna etter assistert befruktning?

19.05.2020

Stortinget skal snart vedta endringer i bioteknologiloven. En.. Les mer »

I GENialt: Eggdonasjon og assistert befruktning til enslige – hva står på spill?

19.05.2020

Bioteknologiloven er i endring. Snart skal stortingspolitikerne si.. Les mer »

Hastig behandling av fosterdiagnostikk i Bioteknologirådet

18.05.2020

Frp, AP og SV foreslår i sitt «Bioteknologiforlik.. Les mer »

Sakskart til ekstraordinært møte i Bioteknologirådet 18. mai

15.05.2020

Tid:  Mandag 18. mai kl. 09.00-13.00 Sted: Digitalt møte,.. Les mer »

I GENialt: Ny milepel for CRISPR-teknologien

12.05.2020

For første gang i historien har genredigeringsteknologien CRISPR.. Les mer »

I GENialt: Doktor AI – muligheter og utfordringer

12.05.2020

I fremtidens helsevesen er datamaskiner legens nye kollega… Les mer »

I GENialt: Kan rundormen vise oss veien til sunn aldring?

12.05.2020

Forskere har identifisert proteiner som fremskynder utvikling av.. Les mer »

© 2020 Bioteknologirådet. | Design: Tank - Utviklet av: Spekter